غزہ میں نصرت پناہ گزین کیمپ پر اسرائیلی حملے میں 13 افراد شہید

غزہ: وسطی غزہ پٹی میں نصرت پناہ گزین کیمپ میں بے گھر لوگوں کی رہائش والے ایک اسکول پر اسرائیلی حملے میں کم از کم 13 فلسطینیوں کی موت ہوگئی ہے۔

ایک طبی ذریعے نے اتوار کو روسی خبر رساں ایجنسی اسپوتنک کو یہ اطلاع دی۔ ذرائع نے بتایا کہ ’’وسطی غزہ پٹی میں نصرت کیمپ میں بے گھر ہونے والے لوگوں کی رہائش گاہ ایک اسکول پر اسرائیلی ٹینک کے حملے میں کم از کم 13 افراد ہلاک ہو گئے۔‘‘

فلسطینی وزارت صحت کے مطابق گزشتہ سال 7 اکتوبر سے اب تک ہلاکتوں کی تعداد 41,900 سے تجاوز کر گئی ہے اور 97,300 سے زائد افراد زخمی ہوئے ہیں۔