15 طالبات سمیت غذا سے متاثر

محبوب آباد: کستور بار گاندھی بالیکا ودیا لیہ (کے جی بی وی) محبوب آباد کی 15 طالبات سمیت غذا سے متاثر ہوگئیں جنہیں گورنمنٹ ڈسٹرکٹ ہاسپٹل منتقل کردیا گیا۔

چہارشنبہ کی شب اسکول ہاسٹل میں کھانا کھانے کے بعد ان طالبات کو قئے، اسہال کی شکایت پر ضلعی ہاسپٹل میں شریک کرایا گیا۔

ڈاکٹروں نے ان طالبات کے مختلف ٹسٹ کئے جس میں سمیت غذا کی توثیق ہوگئی، بتایا جاتا ہے کہ رات کے کھانے میں ٹماٹر کا سالن کھانے کیلئے دیا گیا تھا جسے کھانے کے بعد یہ طالبات علیل ہوگئیں۔

اسکول پرنسپال نے بتایا کہ تمام طالبات کی حالت مستحکم ہے اور ان تمام کا ہاسپٹل میں علاج جاری ہے۔