2 لاکھ 22 ہزار حجاج کرام کی مسجد نبویؐ میں حاضری

مدینہ منورہ: مناسک حج کی ادائی کے بعد حجاج کرام کی بڑی تعداد مدینہ منورہ کا رخ کررہی ہے جہاں حجاج کرام مسجد نبویؐ میں عبادت اور روضہ رسولؐ پر حاضری کا شرف حاصل کررہے ہیں۔

حسب معمول فریضہ حج کی ادائی کے بعد حجاج کرام مسجد نبویؐ اور روضہ رسولؐ پر شرف باریابی کے حصول کا سلسلہ جاری رکھے ہوئے ہیں۔فریضہ حج کی ادائی کے بعد کل ہفتے کی شام تک اس حج سیزن میں دو لاکھ 22 ہزار 114 حجاج کرام مسجد نبویؐ میں حاضری دے چکے ہیں۔

مدینہ منورہ میں عازمین کے استقبال اور روانگی موومنٹ کی حج اینڈ وزٹ کمیٹی کے اعدادوشمار کے مطابق کل 22,351 حجاج کرام مسجد نبوی میں آئے۔

ان میں سے 20,328 عازمین 526 پروازوں کے ذریعہ امیگریشن پر پہنچے جبکہ زمینی راستوں سے 30 بسوں کے ذریعہ 491 حجاج کرام مسجد نبویؐ میں پہنچے۔ ان کے علاوہ 44 ٹرینوں کے ذریعے 1532 حجاج کرام نے مسجد نبویؐ میں حاضری دی۔

مسجد نبوی میں آنے والے حجاج کرام میں ایک لاکھ اکیس ہزار ایک سو تیرہ حجاج کرام اپنے ملکوں کو روانہ ہوگئے ہیں جب کہ مختلف ملکوں کے ایک لاکھ 19 ہزار 893 حجاج کرام مدینہ منورہ میں ہیں۔