عوامی نظام تقسیم کے 280 کوئنٹل چاول ضبط

حیدرآباد: تلنگانہ کے ضلع سنگاریڈی میں پولیس نے عوامی نظام تقسیم کے چاول ضبط کئے جو غیرقانونی طورپرمنتقل کئے جارہے تھے۔

ذرائع کے مطابق پولیس نے ضلع کے ظہیر آباد منڈل میں گاڑیوں کی تلاشی لی۔ انہوں نے پایا کہ 280 کوئنٹل راشن چاول ایک لاری میں غیر قانونی طور پر منتقل کیا جا رہا ہے۔

پولیس کو پتہ چلا کہ یہ چاول سکندرآباد سے گجرات لے جایا جارہا ہے۔

پولیس نے چاول کو ضبط کرلیا اور دوافراد کے خلاف مقدمہ درج کر کے جانچ شروع کر دی۔واضح رہے کہ ریاستی حکومت نے چاول کی غیرقانونی منتقلی کے واقعات کو روکنے کیلئے سخت اقدامات کئے ہیں جس کے لئے چیک پوسٹوں پر نگرانی میں بھی اضافہ کردیاگیا ہے۔