جرائم و حادثات

مدھیہ پردیش میں دو الگ الگ واقعات میں 3 افراد کی موت 12 زخمی

پولس ذرائع کے مطابق کل ہردا تھانہ علاقہ کے روپیپریتیہ گاؤں میں اجنال ندی میں نہانے گئے دو نوجوانوں کی ڈوبنے سے موت ہوگئی۔

ہردا: مدھیہ پردیش کے ہردا ضلع کے روپیپرتیا گاؤں میں اجنال ندی میں ڈوبنے سے دو نوجوانوں کی موت ہو گئی۔

متعلقہ خبریں
چلتی اسکول بس کے اسٹیرنگ کا راڈ نکل گیا، طلبہ خوفزدہ
ٹرین میں خاتون نے بچی کو جنم دیا، بوگی میں موجود خواتین نے ڈلیوری کرائی
ہٹ اینڈ رن کیس، 5 گرفتار
شمس آباد ہائی وے پر سڑک حادثہ،ماں بیٹا ہلاک
آندھرا پردیش کی میڈیکل طالبہ شیخ ظہیرہ ناز جاں بحق

پولس ذرائع کے مطابق کل ہردا تھانہ علاقہ کے روپیپریتیہ گاؤں میں اجنال ندی میں نہانے گئے دو نوجوانوں کی ڈوبنے سے موت ہوگئی۔

مرنے والوں کی شناخت ہردا نگر کے درگیش (13) اور ارباز (12) کے طور پر کی گئی ہے۔

متوفی کی لاشوں کو پوسٹ مارٹم کے لیے ہردا کے ضلع اسپتال بھیج دیا گیا ہے اور کیس درج کرنے کے بعد تحقیقات جاری ہے۔

لوڈنگ گاڑی الٹنے سے ایک کی موت، ایک درجن زخمی

وہیں دوسرے واقعہ میں مدھیہ پردیش کے مورینا ضلع کے جورا تھانہ علاقے میں ایک لوڈنگ گاڑی سڑک کے کنارے کھڑی موٹر سائیکل سے ٹکرا گئی اور الٹ گئی، جس سے گاڑی کے کلینر کی موقع پر ہی موت ہو گئی اور ایک درجن افراد زخمی ہو گئے۔

پولیس ذرائع نے یہاں بتایا کہ لوڈنگ گاڑی میں سوار کل شام شادی کی تقریب میں شرکت کے لئے کیلارس سے نورآباد جارہے تھے۔

اس کے بعد کیلارس اور جوڑہ کے درمیان گاڑی اپنا توازن کھو بیٹھی اور سڑک کنارے کھڑی موٹر سائیکل سے ٹکرا کر الٹ گئی، جس کی وجہ سے کلینر دلیپ گاڑی کے نیچے دب کر موقع پر ہی ہلاک ہو گیا۔

گاڑی میں سوار خواتین سمیت ایک درجن کے قریب افراد زخمی ہو گئے۔

زخمیوں کو علاج کے لیے جورا اور مورینا کے ضلع اسپتال میں داخل کرایا گیا ہے۔

پولیس نے مقدمہ درج کر کے حادثے کی وجوہات کی جانچ شروع کر دی ہے۔

a3w
ذریعہ
یواین آئی
a3w