تروملا میں لاپتہ 3 طلباء کا تلنگانہ میں پتہ چل گیا

حیدرآباد: آندھراپردیش کے تروملا میں لاپتہ تین طلباء کا تلنگانہ میں پتہ چل گیا۔ یہ تینوں کاماریڈی ریلوے اسٹیشن کے قریب پائے گئے۔ مقامی پولیس نے انہیں اپنی تحویل میں لے کرپولیس اسٹیشن منتقل کیااوران کے والدین کو اس بات کی اطلاع دی۔

 تروملا میں کل شام ساتویں جماعت کے تین لڑکے لاپتہ ہو گئے تھے۔ پولیس نے بتایا کہ چندر شیکھر، ویبھو یوگیش اور جی سری وردھن دوپہر کے کھانے کے وقت گھر گئے اور امتحان کے لیے واپس اسکول نہیں آئے۔

اساتذہ نے والدین کو اس بات کی اطلاع دی جس کے بعد ن کے والدین نے ان کی تلاش کی۔اس میں ناکامی پر تروملا ٹو ٹاؤن پولیس میں شکایت درج کرائی گئی

۔پولیس نے سی سی ٹی وی فوٹیج کی جانچ کی اور پتہ چلا کہ طلباء لیپ ٹاپ کے ساتھ تروملا سے آر ٹی سی بس کے ذریعہ تروپتی پہنچے جہاں سے وہ کاماریڈی روانہ ہوگئے۔