کولمبیا میں طیارہ حادثہ کے 40 دن بعد 4 بچے زندہ ملے

بگوٹا: کولمبیا کے صدر گسٹاو پیٹرو نے ہفتہ کو کہا کہ طیارہ گرنے کے بعد جنگل میں 40 دن گزارنے والے چار بچے زندہ پائے گئے ہیں۔ پیٹرو نے مئی میں کہا تھا کہ کولمبیا کی مسلح افواج نے 13، 9 اور 4 سال کی عمر کے تین بچوں اور ایک 11 ماہ کے بچے کو یکم مئی کو ان کے سیسنا 206 لائٹ طیارہ کے حادثہ کا شکار ہونے کے بعد کیکویٹا محکمہ کے جنگل میں زندہ پایا۔

پیٹرو نے بعد میں ٹویٹ کیا، "انہوں نے ان بچوں کے بارے میں پیغام ہٹا دیا تھا کیونکہ معلومات کی تصدیق نہیں ہوئی تھی۔” انہوں نے کہا کہ یہ پورے ملک کے لیے خوشی کی بات ہے کہ کولمبیا کے جنگل میں 40 روز قبل گم ہونے والے چار بچے زندہ مل گئے ہیں۔

کولمبیا کی سول ایوی ایشن اتھارٹی نے کہا کہ سیسنا 206 لائٹ طیارہ ملک کے جنوب میں کیکویٹا ڈیپارٹمنٹ میں ارراکوارا شہر سے سین جوز ڈیل گواویارے کی جانب جارہاتھا، اسی دوران، اس کے انجن میں خرابی آنے کے بعد پائلٹ نے اطلاع دی لیکن مدد سے پہلے ہی طیارہ کریش ہوگیا۔ جسے 370 گھنٹے سے زیادہ وقت کے بعد تلاش کیا جاسکا۔

انہوں نے کہا کہ پائلٹ کی لاش طیارے کے اندر سے ملی تھی، لیکن شریک پائلٹ اور چار نابالغوں سمیت پانچ مسافروں کی لاشیں طیارے کے اندر یا اس کے قریب نہیں ملیں۔