چیف منسٹر ریلیف فنڈ میں 400 کروڑ وصول: نائیڈو

وجئے واڑہ: آندھرا پردیش کے چیف منسٹر این چندرا بابو نائیڈو نے چہارشنبہ کے روز کہا کہ ریاست کے سیلاب متاثرین کی امداد کیلئے چیف منسٹر ریلیف فنڈ میں 400 کروڑ روپے کے عطیات وصول ہوئے ہیں۔

چیف منسٹر نے کہا کہ عطیہ دہند گان نے امدادی کاموں سے متعلق سرکاری مشنری کی مساعی پر پرجوش ردعمل کا اظہار کیا۔ عوام نے جوش وجذبہ کے تحت عطیہ دیا۔

انہوں نے کہا کہ چیف منسٹر ریلیف فنڈ میں 400کروڑ روپے وصول ہوئے ہیں شائد کسی دوسری ریاست میں اتنی زیادہ رقم وصول نہیں ہوئی ہوگی۔

چیف منسٹر کے مطابق لوگوں کی بڑی تعداد، ریاستی حکومت کی جانب سے پیدا کردہ اعتماد کے احساس کی وجہ سے عطیہ دینے کیلئے آگے آئی ہے۔

انہوں نے کہا کہ امریکہ سے عطیہ دہندگان نے ریاست میں اپنے رشتہ داروں کو چیف منسٹر ریلیف فنڈ میں عطایات دینے کیلئے متحرک کیا ہے۔ جہاں ایک منعقدہ تقریب میں چیف منسٹر چندرا بابو نائیڈؤ نے یہ بات کہی۔