اے پی کے عوام کا فیصلہ قبول:شرمیلا

وجئے واڑہ: آندھراپردیش کانگریس کی صدر وائی ایس شرمیلا نے ریاستی اسمبلی اورلوک سبھا انتخابات کے نتائج پرردعمل کااظہار کرتے ہوئے آج کہاکہ وہ عوام کے فیصلہ کوقبل کرتی ہیں۔

اپنے بیان میں شرمیلا نے ٹی ڈی پی سربراہ این چندرابابونائیڈواور جناسینا پارٹی کے چیف پون کلیان سے جو ریاست میں نئی حکومت تشکیل دینے والے ہیں‘نیک خواہشات کا اظہار کیا

اور کہاکہ انہیں امیدہے کہ نئی حکومت‘ عوام کے توقعات پر پورا اترے گی اور ریاست کی ترقی کے لئے بھرپور توجہ مرکوز کرے گی۔

انہوں نے کہاکہ آندھراپردیش کو خصوصی موقف ملناچاہئے۔ پولاورم کے بشمول تمام زیرالتواء پروجیکٹوں کے کام مکمل ہونا چاہئے۔

ریاست کے صدر مقام کے تعمیری کام بھی ہونے چاہئے۔ روزگار سے محروم کئی بیروزگاروں کوجاب دینے اور مساوی طورپر فلاحی اسکیمات کو نافذ کرناچاہئے۔ انہوں نے کہاکہ کانگریس پارٹی ریاست کے مسائل پر بدستور آواز بلندکرتی رہے گی۔