بھائی کو راکھی باندھنے 80 سالہ خاتون نے 8 کلومیٹر پیدل سفر کیا (ویڈیو)

حیدرآباد: تلنگانہ کے جگتیال ضلع میں ایک 80 سالہ خاتون نے اپنے چھوٹے بھائی کو راکھی باندھنے 8 کلومیٹر پیدل سفر کیا۔اس خاتون کی ویڈیو اب سوشل میڈیا پر وائرل ہو گئی ہے۔

اس خاتون کی شناخت ضلع کے کوتہ پلی کی رہنے والی بکواوا کے طورپر کی گئی ہے۔اس نے اپنے چھوٹے بھائی کو راکھی باندھنے کے لیے 8 کلومیٹر پیدل سفرطئے کیا جو کونڈیا پلی،کریم نگر ضلع میں رہتا ہے۔

ان دونوں گاؤں کے درمیان 8 کلومیٹر کا فاصلہ ہے۔ ایک نوجوان نے اس ضعیف خاتون کو روکا جو پیدل جارہی تھی۔اس نے تلگو زبان میں اس سے پوچھا کہ وہ کہاں جارہی ہے جس پر اس خاتون نے سارا معاملہ کہہ سنایا۔