تروپتی میں چڈی گینگ پھر سرگرم

حیدرآباد: اے پی کے ضلع تروپتی میں چڈی گینگ پھر ایک مرتبہ سرگرم ہوگئی ہے۔ضلع کے رینی گنٹہ آٹونگرمیں ایک آٹوموبائل شاپ میں اس گینگ نے چوری کی ناکام کوشش کی تاہم وہاں لگے سی سی ٹی وی کیمروں میں ان کی یہ حرکت قید ہوگئی۔

یہ افراد چڈی پہن کر چوری کی وارداتیں انجام دیتے ہیں اسی لئے اس گینگ کا نام چڈی گینگ رکھاگیا ہے۔مقامی افراد نے اس بات کی اطلاع پولیس کو دی جس کے بعد پولیس چوکس ہوگئی ہے۔

پولیس نے اس سلسلہ میں ایک معاملہ درج کرکے ان کی تلاش شروع کردی۔پولیس نے مقامی افراد سے کہاکہ وہ کسی بھی مشتبہ شخص کی مشتبہ حرکتوں کی اطلاع پولیس کو دیں اور کسی اجنبی شخص کی آمد پر گھروں کے دروازے نہ کھولیں۔