حیدرآباد

کے سی آر، تلنگانہ کی کانگریس حکومت گرانے بڑے پیمانے پر سازش کررہے ہیں: بنڈی سنجے

بنڈی نے کہا کہ کانگریس کے ارکان اسمبلی سے سودے بازی کی کوشش کی جارہی ہے۔انہوں نے ریمارک کیا کہ چندرشیکھرراو کی سازشوں اور چالوں سے پارلیمنٹ کے انتخابات کے بعد کچھ بھی ہو سکتا ہے۔

حیدرآباد: بی جے پی کے قومی جنرل سکریٹری ورکن پارلیمنٹ بنڈی سنجے نے سنسنی خیز ریمارک کرتے ہوئے کہا کہ سابق وزیراعلی و بی آرایس کے سربراہ کے چندرشیکھرراو، تلنگانہ کی کانگریس حکومت کو گرانے کے لیے بڑے پیمانے پر سازش کر رہے ہیں۔

متعلقہ خبریں
پون کلیان کے بیان کی مکمل حمایت: بنڈی سنجے
تلنگانہ ہائی کورٹ میں تحقیقاتی کمیشن کو غیر قانونی قرار دینے کی درخواست مسترد
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
زمین کے مسائل کا حل اب ایک کلک پر: بھو بھارتی پورٹل کی رونمائی جلد
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی

 کریم نگر ایم پی آفس میں بنڈی سنجے کی موجودگی میں مناکنڈورو کے کئی کانگریس اور بی آر ایس لیڈر وں نے بی جے پی میں شمولیت اختیار کی۔ اس موقع پرمنعقدہ تقریب سے خطاب کرتے ہوئے انہوں نے چندرشیکھرراو پر کانگریس سے ایم ایل ایز کو خریدنے کے لیے منصوبہ بنانے کا الزام لگایا۔

انہوں نے کہا کہ کانگریس کے ارکان اسمبلی سے سودے بازی کی کوشش کی جارہی ہے۔انہوں نے ریمارک کیا کہ چندرشیکھرراو کی سازشوں اور چالوں سے پارلیمنٹ کے انتخابات کے بعد کچھ بھی ہو سکتا ہے۔

چندرشیکھرراو کانگریس حکومت کو گرانے کی کوشش کرتے ہوئے اس کا الزام بی جے پی پر ڈالنے کی کوشش کرسکتے ہیں۔ کانگریس لیڈران نامناسب پروپگنڈہ کررہے ہیں کہ بی آر ایس اور بی جے پی ایک ہیں۔ اس موقع پر بنڈی سنجے نے ریاست کے عوام کو سنکرانتی کی مبارکبادبھی دی۔