تلنگانہ: تقریب میں جانے کے دوران کارالٹ گئی۔دو افرادہلاک

حیدرآباد: تلنگانہ کے محبوب نگر ضلع کے عالم پور میں ہفتہ کی اولین ساعتوں میں تقریباً دو تا تین بجے کے درمیان ایک خوفناک سڑک حادثہ پیش آیا، جس میں دو افراد موقع پر ہی ہلاک ہوگئے۔

تفصیلات کے مطابق، دھرما ریڈی کا خاندان ایک کار میں حیدرآباد سے نندیال جا رہا تھا۔ اٹکیال منڈل کے ویمولا گاؤں کے قریب، نیشنل ہائی وے نمبر 44 پر واقع انڈین پٹرول پمپ اور پریہ درشی ہوٹل کے سامنے کار بے قابو ہو کر مخالف سمت کی سڑک پر الٹ گئی۔

کار میں 6 افراد سوار تھے۔ ان میں 62 سالہ پلاریڈی اور 52 سالہ لکشمی سُبّماں، جو شوہربیوی تھے، موقع پر ہی ہلاک ہو گئے۔

کار 33 سالہ دھرما ریڈی چلا رہا تھا۔ دیگر زخمیوں میں 10 سالہ شانوی، 50 سالہ مہیشوری اور 30 سالہ سرویانتی شامل ہیں۔

زخمیوں کو فوری طور پر 108 ایمبولینس اور ہائی وے ایمبولینس کی مدد سے کرنول کے سرکاری اسپتال منتقل کیا گیا۔بتایا گیا ہے کہ تمام افراد حیدرآباد سے کرنول ایک تقریب میں شرکت کے لئے جا رہے تھے۔