زلزلے کے 212 گھنٹے بعد 77 سالہ خاتون کو بحفاظت ملبے سے باہر نکالا گیا

انقرہ/دمشق: امدادی کارکنوں نے ترکی اور شام میں 7.8 شدت کے تباہ کن زلزلے کے 212 گھنٹے بعد منگل کے روز ایک 77 سالہ خاتون کو ملبے سے زندہ نکال لیا۔ ترکی اور اس کے ہمسایہ ملک شام میں تباہ کن زلزلے سے اب تک مرنے والوں کی تعداد 41,000 ہو گئی ہے۔

تاہم، اقوام متحدہ کے حکام نے کہا ہے کہ امدادی کوششوں کی توجہ ان لوگوں کی مدد پر مرکوز ہو گئی ہے جو اب پناہ گاہوں میں یا سخت سردی میں رہ رہے ہیں جو کہ مناسب خوراک اور دیگر مشکلات سے دوچار ہیں۔ امدادی کارکن زلزلے کے ایک ہفتے بعد بھی زندہ بچ جانے والوں کو ملبے کے نیچے سے نکالنے کی کوشش کر رہے ہیں۔

زلزلے نے دونوں ممالک کے کئی شہروں میں تباہی مچا دی ہے۔ جس کی وجہ سے سخت سردی کے درمیان لوگ بے گھر ہو گئے ہیں۔