حیدرآباد: بی ٹیک طالبہ نے کالج کی عمارت سے چھلانگ لگا کر خودکشی کرلی (ویڈیو)

حیدرآباد: سنگاریڈی میں واقع گیتم یونیورسٹی میں بی ٹیک کی ایک طالبہ کی خودکشی نے ریاست میں ہلچل مچا دی ہے۔ یونیورسٹی میں انجینئرنگ کے تیسرے سال کی طالبہ رینوشری نے جمعہ کی دوپہر سب کے سامنے کالج کی عمارت کی چھٹویں منزل سے چھلانگ لگا کر اپنی جان لے لی۔ طالبہ کا ویڈیو سوشل میڈیا پر وائرل ہو گیا ہے۔

مادھاپور کی رینوشری نے تین ماہ قبل گیتم یونیورسٹی میں بطور ڈے اسکالر شمولیت اختیار کی تھی۔ ڈے اسکالر کے طور پر شمولیت کے صرف تین ماہ بعد رینوشری کی خودکشی کئی شکوک و شبہات کو جنم دے رہی ہے۔

طالبہ نے اس لئے خودکشی کی کیونکہ وہ پڑھنا نہیں چاہتی تھی؟

 پولیس ابھی بھی اس بات کی تحقیقات کر رہی ہے کہ آیا اس کی کوئی اور وجوہات ہیں۔ اس کے علاوہ بتایا جاتا ہے کہ پولیس کو پتہ چلا کہ رینوشری نے کالج کی عمارت سے چھلانگ لگانے سے پہلے ایک فون کال کی تھی۔

ایسا لگتا ہے کہ پولیس اس بات کی بھی تفتیش کر رہی ہے کہ آیا یہ کال والدین کو کی گئی تھی یا کسی اور کو۔