مریال گوڑہ میں بس الٹ گئی، بعض مسافرین زخمی

حیدرآباد: تلنگانہ کے ضلع نلگنڈہ کے مریال گوڑہ میں پیش آئے سڑک حادثہ میں بعض مسافرین معمولی زخمی ہوگئے۔یہ حادثہ ضلع کے مریال گوڑہ کے آٹونگر کی آدنکی۔نارکٹ پلی شاہراہ پر اُس وقت پیش آیا جب پرائیویٹ ٹراویلس کی بس کے ڈرائیور نے اس کا توازن کھودیا اور یہ بس قریب میں ٹہری ہوئی بس کے قریب بجلی کے کھمبے سے ٹکراگئی۔

اس حادثہ میں بس کے مسافرین معمولی زخمی ہوگئے تاہم کسی کی ہلاکت کی کوئی اطلاع نہیں ملی ہے۔اطلاع ملتے ہی پولیس وہاں پہنچی جس نے صورتحال کا جائزہ لیا اورمقامی افراد کی مدد سے راحت کام انجام دیتے ہوئے بس کو سیدھا کیا۔

پولیس نے معمولی زخمیوں کو علاج کے لئے اسپتال منتقل کردیا۔پولیس نے بتایا کہ ٹراویلس کی بس حیدرآباد سے گنٹور کی سمت جارہی تھی کہ یہ حادثہ پیش آیا۔پولیس نے اس خصوص میں ایک معاملہ درج کرکے جانچ شروع کردی۔