سکندرآباد میں سگنل توڑنے والی کار دوسری کار سے ٹکراکر اُلٹ گئی (ویڈیو وائرل)

حیدرآباد:سکندرآباد میں پیش آئے خوفناک سڑک حادثہ میں بعض افراد زخمی ہوگئے۔یہ حادثہ سکندرآباد کنٹونمنٹ کلب کے قریب اُس وقت پیش آیا جب ایک کار چلانے والے نے اس کا توازن کھودیا اوریہ کار دوسری کار سے ٹکراگئی۔ تفصیلات کے مطابق سکندرآباد کلب سرکل سگنل پر ایک ایس یو وی کار دیکھی گئی۔

سگنل کے کھلتے ہی اس کو چلانے والے نے اس کی رفتار میں اضافہ کردیا۔اسی دوران دوسری سمت سے ایک اور کار آرہی تھی جس کے نتیجہ میں دوکاروں کا تصادم ہوگیا۔اس حادثہ میں بعض افراد زخمی ہوگئے۔

اس حادثہ کی اطلاع کے ساتھ ہی پولیس موقع پر پہنچ گئی جس کے زخمیوں کو علاج کے لئے اسپتال پہنچایا اورایک معاملہ درج کرکے جانچ شروع کردی۔

پولیس نے اس مصروف روٹ پر حادثہ کا سبب بنی کاروں کو وہاں سے ہٹاتے ہوئے اس روٹ پر ٹریفک کو بحال کیا۔پولیس نے قریب میں لگے سی سی ٹی وی فوٹیج بھی حاصل کرلئے۔اس حادثہ میں ایک کار جو تین مرتبہ الٹ گئی کو شدید نقصان ہوا۔اس واقعہ کا ویڈیو تیزی کے ساتھ وائرل ہوگیا۔