سنگاریڈی میں لاری اور کار میں تصادم،2 افرادزندہ جھلس کر ہلاک

حیدرآباد:لاری اور کار میں ہوئے تصادم میں دو افرادزندہ جھلس کر ہلاک ہوگئے۔یہ حادثہ جمعرات کی صبح کی اولین ساعتوں میں پٹن چیرو پولیس اسٹیشن کے حدود میں متنگی اگزٹ کے قریب آوٹررنگ روڈ پر اُس وقت پیش آیا جب ایک ہی سمت سے آنے والی تیزرفتار کار کے ڈرائیور نے اس کا توازن کھودیا اور یہ کارلاری سے ٹکراگئی۔

چونکہ کار کافی تیزرفتار تھی اسی لئے اس کے لاری سے ٹکراجانے کے نتیجہ میں اس میں آگ لگ گئی۔حادثہ اتنا شدید تھا کہ کار میں سوار افراد کو کار سے نکلنے کا موقع ہی نہیں مل سکا۔راہگیروں نے اس حادثہ کو دیکھ کر پولیس اور فائربریگیڈ کو طلب کیا۔

مہلوکین کی ہنوز شناخت نہیں ہوپائی ہے۔اس حادثہ میں کار مکمل طورپر جل کر خاکستر ہوگئی جبکہ لاری جزوی طورپر جل گئی۔فائربریگیڈ کے عملہ نے لاری کو مکمل طورپر جلنے سے بچایا۔