تلنگانہ میں کے چندرشیکھرراو کی دوبارہ اقتدار میں واپسی کے لئے مداح کی منفرد خواہش

حیدرآباد: تلنگانہ میں کے چندرشیکھرراو کی دوبارہ اقتدار میں واپسی کے لئے ایک مداح نے اپنی منفرد خواہش کا اظہار کیا ہے۔ سبری ملا کے سفر پر گئے اس شخص نے چندرشیکھرراو کی دوبارہ حکومت بننے کی تائید میں فلیکسی دکھائی۔

تفصیلات کے مطابق ضلع کھمم کے نائیڈو پیٹ کالونی کے رہنے والے اور بی آر ایس پارٹی کے سوشل میڈیا ذمہ دار میکالا ادے نے حال ہی میں ایپا مالا پہنی تھی۔

درشن سے قبل اس نے اپنی دلی خواہش کا اظہار کیا۔

اس نے فلکسی بورڈس تھام کراپنی خواہش کا اظہار کیا جن پر تلنگانہ میں دوبارہ کے سی آر کی حکومت آنے اور پالیرو حلقہ سے کے اوپیندر ریڈی کے دوبارہ ایم ایل اے بننے کی تمنا ظاہر کی تھی اور ان کی تصاویر بھی دکھائی۔

اس واقعہ سے متعلق تصاویر اور ویڈیوز اب سوشل میڈیا پر تیزی سے وائرل ہو رہی ہیں۔