حیدرآباد کے چند سنگل اسکرین تھیٹرس جمعہ سے ایک ہفتہ کیلئے بند رہیں گے

حیدرآباد: شہرحیدرآباد کے چند سنگل اسکرین تھیٹرس جمعہ سے ایک ہفتہ کیلئے بند رہیں گے۔ تلنگانہ میں 250 سنگل اسکرین تھیٹر اور دونوں شہروں حیدرآباد وسکندرآباد میں تقریبا 80 سنگل تھیٹرس ہیں۔

ذرائع کے مطابق پچھلے مہینے کے دوران کوئی نئی فلم ریلیز نہیں ہوئی ہے جس کی وجہ سے سنگل اسکرین کے مالکین کے پاس تھیٹرس کو بند کرنے کے سواکوئی دوسراراستہ نہیں ہے۔

حیدرآباد میں کئی تھیٹر کرائے پر دیئے گئے تھے، گرما کے موسم کے دوران نئی فلم کے ریلیز نہ ہونے، لوک سبھاانتخابات اورآئی پی ایل کا اثر بھی ان تھیٹرس پر پڑاجس کی وجہ سے ان کی آمدنی بُری طرح متاثرہوئی اور یہ تھیٹرس مالکین اپنے تھیٹرس کو بند کرنے کیلئے مجبور ہوگئے۔

آمدنی میں کمی کے سبب کرایہ دار آپریٹرز کرایہ ادا کرنے کے قابل نہیں ہیں۔جنوری کے دوران دوفلموں کے سبب ان تھیٹرس نے اچھابزنس کیا۔