مہاراشٹرمیں تلنگانہ ایکسپریس ٹرین کی ایک بوگی میں آگ لگ گئی

حیدرآباد: مہاراشٹرمیں تلنگانہ ایکسپریس ٹرین کی ایک بوگی میں آگ لگ گئی۔ اس ٹرین میں ہفتہ کی صبح یہ واقعہ پیش آیا۔تفصیلات کے مطابق ٹرین کی ایس2 بوگی میں اچانک آگ نظرآئی جس سے مسافروں میں خوف و ہراس پھیل گیا۔

چوکس عملہ نے ٹرین کو ناگپور کے قریب روکا جس کے ساتھ ہی خوفزدہ مسافرین میں بعض اپنی جان بچانے کیلئے ٹرین سے کود گئے۔آگ لگنے کی اطلاع فائربریگیڈ کے اہلکاروں کودی گئی جس کے بعد فائربریگیڈ کے اہلکاروں نے وہاں پہنچ کر آگ پرقابوپایا۔

جس کے بعد مسافرین نے راحت کی سانس لی۔اس واقعہ میں کسی کے جھلسنے یاپھر کسی کی موت کی کوئی اطلا ع نہیں ملی ہے۔ آگ لگنے کی وجوہات نہیں معلوم ہوسکیں۔