مکان میں آگ لگ گئی،پولیس کو 64 لاکھ روپئے نقد رقم ملی، ویڈیو وائرل

حیدرآباد: تلنگانہ کے سکندرآباد رجمنٹل بازار کے ایک مکان میں آگ لگ گئی۔ا س واقعہ کی اطلاع پر فائر بریگیڈکے ساتھ پہنچی پولیس کو مکان سے 64لاکھ روپئے نقد رقم ملی۔پولیس نے جب اس تعلق سے معلومات حاصل کیں تو پتہ چلا کہ مکان کا مالک سرینواس ایک تاجر ہے جو اس واقعہ کے وقت مکان میں نہیں تھا۔

 وہ ایک معروف کمپنی میں ڈی جی ایم کے طور پر کام کر تا ہے۔ سرینواس اسی کمپنی سے متعلق الکٹریکل کنٹراکٹ کا کاروبار کر تاہے۔ آگ پر مکمل طور پر قابو پانے کے بعد پولیس کو مکان سے 64 لاکھ 45 ہزار روپے، طلائی ونقروی زیورات ملے۔

پولیس ان قیمتی اشیا کو پولیس اسٹیشن لے گئی۔شبہ کیاجارہا ہے کہ یہ حوالہ کی رقم ہے۔ اس واقعہ کی تمام زاویوں سے تحقیقات کی جارہی ہے۔آگ لگنے کے واقعہ میں مکان میں رکھا فرنیچر جل کر خاکستر ہوگیا۔