لبنان اسرائیل سرحد پر جھڑپ میں حزب اللہ کا جنگجو جاں بحق

بیروت: لبنان-اسرائیل سرحد کے قریب لبنانی قصبوں اورگاؤوں پر اسرائیلی حملوں میں حزب اللہ کا ایک جنگجو جاں بحق اور چار شہری زخمی ہو گئے۔ لبنانی ذرائع نے یہ اطلاع ’ژنہوا‘ کو دی۔

طبی ذرائع نے ژنہوا کو بتایا کہ دو شامی خواتین سمیت چار زخمی شہری سرکاری اسپتال پہنچے۔

یہ افراد جنوبی لبنان کے ایک سرحدی قصبے میں ایک مکان کو نشانہ بنانے والے اسرائیلی فضائی حملے میں زخمی ہوئے تھے۔

فوجی ذرائع نے نام ظاہر نہ کرنے کی شرط پر بتایا کہ اسرائیلی جنگی طیاروں اور ڈرونز نے جنوبی لبنان کے چھ قصبوں اور گاووں پر 32 میزائل داغ کر آٹھ فضائی حملے کیے۔