ایک شخص نے پیسے کیلئے والد اور دادی کا قتل کردیا

شاہجہاں پور: اترپردیش کے ضلع شاہجہاں پور کے تلہر علاقے میں پیسے کے تنازع میں ایک شخص نے جمعرات کی صبح اپنی ماں کی مدد سے والد اور دادی کا گولی مار کر قتل کردیا۔

ایس پی ایس آنند نے بتایا کہ علاقے کے مرکا گاؤں باشندہ شیام پال نے چار مہینے پہلے اپنا کھیت 14لاکھ روپئے میں فروخت کیا تھا۔ قرض کی ادائیگی کے بعد آٹھ لاکھ روپئے بینک میں جمع کردئیے تھے۔ موہت ولد شیام پال سے کھیت فروخت میں ملے روپیوں میں سے اپنا حصہ مانگ رہا تھا جسے دینے سے منع کرنے پر تنازع ہوگیا۔

انہوں نے بتایا کہ آج صبح موہت نے اپنی ماں سدھا بتی اور بیوی ستیہ وتی کے ساتھ مل کر والد شیام پال(50) اور دادی بھاگیہ متی(70) کو طمنچے سے گولی ماردی جس سے دونوں کی موت ہوگئی۔ ملزم بیٹے کو حراست میں لے کر پولیس پوچھ گچھ کررہی ہے۔