حیدرآباد کے کاٹے دھن کی بسکٹ فیکٹری میں بڑے پیمانہ پر آگ لگنے کا واقعہ

حیدرآباد: شہرحیدرآباد کے کاٹے دھن کی بسکٹ فیکٹری میں بڑے پیمانہ پر آگ لگنے کا واقعہ پیش آیا۔

اس بسکٹ فیکٹری میں جمعرات کی صبح بڑے پیمانہ پر آگ لگ گئی۔کثیف دھوئیں کے ساتھ آگ آہستہ آہستہ فیکٹری کی تین منزلوں تک پھیل گئی۔

اس آگ کو دیکھ کر مقامی افرادخوفزدہ ہوگئے کیونکہ دھوئیں کی وجہ سے مقامی افراد کو سانس لینے میں دشواری کاسامنا کرناپڑا۔

اس واقعہ کی اطلاع ملتے ہی فائر بریگیڈ اور پولیس موقع پر پہنچ گئی۔ فائر بریگیڈ کی پانچ گاڑیوں نے کافی جدوجہد کے بعد آگ پر قابو پایا۔

اس واقعہ سے کمپنی کی عمارت میں رکھی مشنری اور بسکٹ بنانے کا خام مال مکمل طور پر جل گیاجس کے نقصان کا تخمینہ کروڑوں روپئے بتایاجاتا ہے۔

شبہ ہے کہ یہ واقعہ غفلت کی وجہ سے پیش آیاتاہم اس میں کسی بھی قسم کے جانی نقصان یا پھر کسی کے جھلسنے کی کوئی اطلاع نہیں ملی ہے۔