تلنگانہ کی دسویں یوم تاسیس پر ریالی کے دوران ٹریکٹر کی ٹکر سے طالبعلم کی موت

حیدرآباد: تلنگانہ کی دسویں یوم تاسیس کے سلسلہ میں ہنمکنڈہ ضلع میں منعقدہ ریلی کے دوران ایک طالب علم نے کتوں سے بچنے کی کوشش کی، اسی دوران ٹریکٹرکی ٹکر سے اس کی موت ہوگئی۔

اس طالب علم کی شناخت ضلع کے کملاپورمنڈل کے مری پلی گوڑم اسکول کے چھٹویں جماعت کے طالب علم دھنش کے طورپر کی گئی ہے۔اس حادثہ میں وہ شدید طورپرزخمی ہوگیا۔

اس کوعلاج کے لئے اسپتال منتقل کیاگیا تاہم ڈاکٹرس نے اس کو معائنہ کے بعد مردہ قراردیا۔اس واقعہ سے گاوں میں غم کی لہر دوڑگئی۔اس حادثہ کی اطلاع پر چیف وہپ کوشک ریڈی نے اسپتال پہنچ کر اس کی لاش کا دیدار کیا۔