امریکہ میں کار شعلہ پوش، تلنگانہ کا طالبعلم زندہ جھلس کر ہلاک

حیدرآباد: امریکہ کے نیوجرسی میں کار کے شعلہ پوش ہونے کے واقعہ میں تلنگانہ کا ایک طالب علم زندہ جھلس کر ہلاک ہوگیا۔اس کی شناخت شیلیش گروپو کے طورپر کی گئی ہے جو بریج پورٹ یونیورسٹی نیوجرسی میں تعلیم حاصل کررہا تھا۔

ذرائع کے مطابق یہ واقعہ اُس وقت پیش آیا جب شیلیش کی کار میں اچانک آگ لگ گئی اور دیکھتے ہی دیکھتے اس آگ نے پوری کارکو اپنی لپیٹ میں لے لیا اور شیلیش اس میں سے نکلنے سے قاصر رہا جس کے نتیجہ میں وہ زندہ جھلس کر ہلاک ہوگیا۔

اس کو بچانے کی کوششیں کی گئیں جو رائیگاں ثابت ہوئیں۔اس کا تعلق ضلع نظام آباد کے بھیمگل گاوں سے ہے۔اس کے پسماندگان میں والدین اور دو چھوٹی بہنیں شامل ہیں۔اس کے دوست اس کی لاش کو آبائی مقام لانے کے انتظامات کررہے ہیں۔