چندرابابوکی حمایت میں انوکھاپروگرام،سیاہ ٹی شرٹس پہننے والوں کو میٹرو اسٹیشنوں میں جانے کی اجازت نہیں دی گئی

حیدرآباد: اسکل ڈیولپمنٹ اسکام میں گرفتار آندھراپردیش کے سابق وزیراعلی و تلگودیشم پارٹی کے قومی صدراین چندرابابونائیڈو کی حمایت میں ان کے مداحوں اور پارٹی کارکنوں نے حیدرآباد میں ایک انوکھا پروگرام منعقد کیا۔

اس پروگرام کو ”سی بی این کیلئے میٹرو“نام دیاگیا تھا۔اس پروگرام کے اعلان کے پیش نظر حیدرآباد میں پولیس کو میٹرو اسٹیشنوں پر چوکس رہی۔

مختلف راستوں پر سخت حفاظتی انتظامات کیے گئے تھے اور سیاہ ٹی شرٹس پہننے والوں کو میٹرو اسٹیشنوں کے اندر جانے کی اجازت نہیں دی گئی۔

چندرا بابو کے حامیوں اور تلگودیشم کے کارکنوں کی بڑی تعداد کے جمع ہونے پر عملے نے عارضی طور پر میا ں پور میٹرو اسٹیشن کو کچھ دیر کے لیے بند کر دیا۔

دوسری طرف ایل بی نگر میٹرو اسٹیشن پر سیاہ ٹی شرٹس پہنے نوجوانوں کو روکنے کے بعد طلبہ نے قریب میں واقع ڈی مارٹ جا کر دیگر رنگوں کی ٹی شرٹس خریدیں۔