جرائم و حادثات
شادی نہ ہونے پر ایک نوجوان نے تالاب میں کود کرخودکشی کرلی
گذشتہ چند دنوں سے شادی نہ ہونے پر وہ مایوس تھا۔اس مسئلہ پر اس کا جھگڑا اس کے ارکان خاندان سے ہوا کرتا تھا۔کل رات اس کا ایک مرتبہ پھر اس کے ارکان خاندان سے جھگڑا ہوا جس کے بعد وہ گھر سے روانہ ہوا۔
حیدرآباد: شادی نہ ہونے پر ایک نوجوان نے تالاب میں کود کرخودکشی کرلی۔یہ واقعہ تلنگانہ کے میرپیٹ پولیس اسٹیشن کے حدود میں پیش آیا۔پولیس کے مطابق چمپاپیٹ کا رہنے والا آندھراپردیش کے ضلع چتور کا متوطن 28سالہ ناگاراجو،ایڈکمیٹ علاقہ میں ٹائپسٹ کے طورپر کام کرتا تھا۔
گذشتہ چند دنوں سے شادی نہ ہونے پر وہ مایوس تھا۔اس مسئلہ پر اس کا جھگڑا اس کے ارکان خاندان سے ہوا کرتا تھا۔کل رات اس کا ایک مرتبہ پھر اس کے ارکان خاندان سے جھگڑا ہوا جس کے بعد وہ گھر سے روانہ ہوا۔
مقامی تالاب کے قریب اس کا سامان اور سل فون دیکھ کر اس کے ارکان خاندان نے پولیس کو اس بات کی اطلاع دی جس کے بعد پولیس نے وہاں پہنچ کر غوطہ خوروں کی مدد سے اس کی لاش کو تالاب سے نکالنے میں کامیابی حاصل کی۔
ہمیں فالو کریں
