ابو سالم کو دہلی کی عدالت میں سماعت کے بعد ناسک جیل بھیج دیا گیا
ممبئی میں 1993 کے سلسلہ وار بم دھماکوں کے اہم ملزم ابوسالم کو مہاراشٹر کے منماڈ شہر سے سخت سیکورٹی کے درمیان ناسک روڈ سنٹرل جیل بھیج دیا گیا ہے۔
![ابو سالم کو دہلی کی عدالت میں سماعت کے بعد ناسک جیل بھیج دیا گیا](https://urdu.munsifdaily.com/wp-content/uploads/2024/08/abu-salem.jpg)
ناسک: ممبئی میں 1993 کے سلسلہ وار بم دھماکوں کے اہم ملزم ابوسالم کو مہاراشٹر کے منماڈ شہر سے سخت سیکورٹی کے درمیان ناسک روڈ سنٹرل جیل بھیج دیا گیا ہے۔
حکام نے آج یہ اطلاع دی۔ سالم کو ہفتہ کو نئی دہلی،بنگلور،کرناٹک ایکسپریس کے ذریعے نئی دہلی سے منماڈ لایا گیا اور سخت سیکورٹی کے درمیان سڑک کے ذریعے ناسک روڈ پر واقع سنٹرل جیل لے جایا گیا۔
قابل ذکر ہے کہ ابو سالم کے خلاف سال 2002 میں دہلی پولیس میں ایک صنعتکار کو ڈرا کر اور دھمکی دے کر پیسے وصولنے کا مقدمہ درج کیا گیا تھا۔ انہیں اس معاملے میں سماعت کے لیے دہلی لے جایا گیا تھا۔
ابو سالم اس سے قبل 1993کے بم دھماکہ کیس میں نئی ممبئی کی تلوجا جیل میں عمر قید کی سزا کاٹ رہا تھا۔
ہفتہ کی سہ پہر تقریباً ساڑھے تین بجے کرناٹکا ایکسپریس منماد اسٹیشن کے پلیٹ فارم نمبر چار پر پہنچنے کے بعد، ٹرین میں موجود انسداد دہشت گردی کی مرکزی سیکورٹی ٹیم نے پوری کوچ کو گھیرے میں لے لیا اور پھر سالم کو باہر لے گئے۔
جب سالم کو لوہمرگ پولیس اسٹیشن کے باہر انتظار کرنے والی پولیس گاڑی میں ناسک جیل لے جایا گیا تو کمانڈوز، ریپڈ ایکشن فورس اور سیکورٹی ایجنسیوں کے اعلیٰ اہلکار وہاں موجود تھے۔