اڈانی کو بغیر جی ایس ٹی جے پور ایرپورٹ، کے ٹی آر

حیدرآباد: تلنگانہ کے وزیر آئی ٹی تارک راما راو نے ایک بار پھر مرکز کی نریندر مودی حکومت پر تنقید کی۔

وزیر موصوف نے کہا کہ مرکز نے جے پور انٹرنیشنل ایرپورٹ اڈانی گروپ کو منتقل کر دیا ہے اور اس پر کوئی جی ایس ٹی نہیں لگایا ہے۔

سوشیل میڈیا کے اہم پلیٹ فارم ٹوئیٹر پر سرگرم تارک راما راو نے اس خصوص میں ٹوئیٹ کیا۔

انہوں نے اپنے دعوی کی تصدیق کے لئے اس ضمن میں شائع ایک انگریزی اخبار کی خبر کا تراشہ بھی پوسٹ کیا۔

انہوں نے کہا”ملک میں عام لوگوں کے لیے دودھ اور دہی جیسی بنیادی ضروریات پر بھی جی ایس ٹی لگایا جاتا ہے لیکن،اگر اڈانی ایرپورٹ لیتے ہیں، تو کوئی جی ایس ٹی نہیں لگایا جاتا۔

انہوں نے طنزیہ انداز میں لکھا، ”کیا یہ مفت میں فراہم کرنا نہیں ہے۔یہ متر کال ہے“انہوں نے ہیش ٹیک لگایا۔ فرینڈس وتھ بینفٹس۔