کوکا پیٹ میں بی آرایس کو اراضی کا الاٹمنٹ، بی آرایس اور حکومت کو ہائی کورٹ کی نوٹس

حیدرآباد: شہرحیدرآباد کے نواحی علاقہ کوکاپیٹ میں ریاست کی حکمران جماعت بی آرایس کو 11 ایکڑاراضی الاٹ کرنے کے معاملہ کانوٹ لیتے ہوئے تلنگانہ ہائی کورٹ نے بی آرایس اور تلنگانہ حکومت کو نوٹس جاری کی ہے۔

فورم فار گڈگورننس کی جانب سے داخل کردہ عرضی کی سماعت ہائی کورٹ نے کرتے ہوئے برسراقتدارجماعت بی آرایس اورریاستی حکومت کو نوٹس جاری کی اور اس کا جواب داخل کرنے کی ہدایت دی۔

عرضی گذار نے شکایت کرتے ہوئے الزام لگایا تھا کہ کوکاپیٹ میں فی ایکڑ اراضی 50کروڑروپئے مالیت کی ہے تاہم اس اراضی کو 3.41 کروڑروپئے میں الاٹ کیاگیا ہے۔

عرضی گذار نے یہ بھی واضح کیا کہ اراضی کے الاٹمنٹ کے دستاویزات کو راز میں رکھاگیا ہے۔

اس پر عدالت نے نوٹس جاری کرتے ہوئے اس معاملہ کی آئندہ سماعت 16اگست تک ملتوی کردی۔