آندھرا پردیش: بائیک کی رفتار کم کرنے کا مشورہ دینے پر چاقو سے حملہ،تین نوجوان زخمی

حیدرآباد: بائیک کی رفتار کم کرنے کا مشورہ دینے پر ایک نوجوان نے چاقو سے حملہ کرکے تین نوجوانوں کو زخمی کردیا۔یہ افسوناک واقعہ آندھراپردیش کے کڑپہ ضلع کے کملاپورم علاقے میں پیش آیا۔

تفصیلات کے مطابق سلمان نامی نوجوان اپنی بائیک تیز رفتاری سے چلا رہا تھا۔ مقامی نوجوان سہیل، سبھاش اور ریاض نے اسے رفتار کم کرنے کا مشورہ دیا، جس پر سلمان برہم ہوگیا اور چاقو نکال کر حملہ کر دیا۔

اس حملہ میں تینوں نوجوان زخمی ہو گئے، جنہیں مقامی افرادنے فوری طور پر اسپتال منتقل کر دیا۔ پولیس نے موقع پر پہنچ کر مقدمہ درج کر لیا گیا۔

اطلاعات کے مطابق، پولیس نے ملزم سلمان کو حراست میں لے لیا ہے اور مزید جانچ جاری ہے۔