مجلس تعمیر ملت کی جانب سے ہائی اسکول تا ڈگری کالج تحریری مقابلوں کا اعلان

حیدرآباد: جناب رضی الدین راشد انچارج مقابلہ جات کل ہند مجلس تعمیرملت گذشتہ 73 سا ل سے حضور اکرمؐ کی شان میں جلسہ یوم رحمتہ للعٰلمینؐ منعقد کرتی ہے اسکے دوسرے دن صحابہ کرامؓ کی تعلیمات کو عام کرنے یوم صحابہؓ کا انعقاد عمل میں لاتی ہے۔

اسکے ساتھ ساتھ طلباء وطالبات میں تعلیمات اسلامی کے مطالعہ کا شوق پیدا کرنے کیلئے تقریری، تحریری، سیرت طیبہ کوئیزؐ اور رقرأت کلام پاک کے مقابلے منعقد کئے جاتے ہیں۔ الحمد للہ سال گذشہ 7000 سے زیادہ طلبا وطالبات نے ان مقابلو ں سے استفادہ حاصل کیا۔

سال حال تقریری مقابلوں کے تواریخ اور انعامات کا اعلان کردیا گیا ہے جو اس طرح ہے۔ ہائی اسکول طلباء وطالبات کی سہولت کیلئے شہر میں چار علحدہ علحدہ مقامات پر مقابلے منعقد کئے جائینگے۔

طلباء کیلئے پیر28/ ا گست کو مسجد قمرالزماں صالح نگر،کمہارواڑی گولکنڈہ قلعہ اور ڈاکٹر حیدر خان کنونشن سنٹر اولڈ ملک پیٹ پلر نمبر1415 منگل 29 /ا گست کو ایم ایس کریٹیو ہائی اسکول شا ہ علی بنڈہ اور ایم ایس کریٹیو ہائی اسکول مراد نگر پر منعقد ہوں گے۔

طالبات کے لئے چہارشنبہ 30 /ا گست مسجد قمرالزماں صالح نگر،کماوڑی گولکنڈہ قلعہ اور ڈاکٹر حیدر خان کنونشن سنٹر اولڈ ملک پیٹ پلر نمبر1415،جمعرات 31/ ا گست کو ایم ایس کریٹیو ہائی اسکول شاہ علی بنڈہ او رایم ایس کریٹیو ہائی اسکول مراد نگر پر منعقد ہوں گے۔

طلباء کیلئے فائنل مقابلہ منگل 5 ستمبرکو اور طالبات کے لئے فائنل مقابلہ چہارشنبہ6 /ستمبر کومرکزی دفتر تعمیرملت مدینہ منشن نارائن گوڑہ پر منعقد ہوں گے۔ جونیر وڈگری کالج طلباء کا مقابلہ چہارشنبہ 13 /ستمبر جونیر وڈگری کالج طالبات کیلئے/14ستمبر جمعرات کو صدر دفتر تعمیرملت مدینہ منشن نارائن گوڑہ پر منعقد ہوں گے۔ تمام مقابلوں کا آغاز صبح 10 بجے ہوگا۔

ہائی اسکول طلبا کا عنوان”حضوراکرم ؐ کے اخلاق“ طالبات کے لئے ”بی بی فاطمہ ؓ کی سیرت“‘ جونیر کالج طلبا کیلئے”دولت ایمان“ طالبات کیلئے”اسلام میں پردہ کی اہمیت“،ڈگری کالج کے طلباء کیلئے ”اسلام میں نشہ حرام کیوں؟“

طالبات کے لئے ”اسلام میں خواتین کیلئے حدود زندگی“ ہائی اسکول انعام اول 2000/- روپئے، انعام دوم1500/- روپئے، انعام سوم1000/-روپئے۔ جونیر کالج کیلئے انعام اول2500/- روپئے، انعام دوم2000/- روپئے، انعام سوم1500/-روپئے۔ ڈگری کالج انعام اول3000/- روپئے،انعام دوم2500/- روپئے، انعام سوم 2000/- روپئے۔ ان انعامات کے علاوہ ترغیبی انعامات اور اسناد بھی دیئے جائینگے۔ انعامات طلباء وطالبات کیلئے علحدہ علحدہ ہونگے۔

جناب محمد شہاب الدین معتمد مقابلہ، فیض الرحمن، محمد ابراہیم خان، محمد عبداللہ نائب معتمدین مقابلہ نے اسکول وکالج مینجمنٹ سے گذارش کی ہے کہ زیادہ سے زیادہ طلباء وطالبات کو ان بامقصد مقابلوں میں شرکت کروائیں۔ مزید تفصیلات کے لئے فون 8466072591,9182234318پر رابطہ کیاجاسکتا ہے۔