نئے راشن کارڈز کیلئے درخواستیں وصول کرنے کا اعلان

حیدرآباد: کابینی سب کمیٹی نے نئے راشت کارڈس کے لئے آئندہ ماہ اکتوبر سے درخواستیں وصول کرنے کا فیصلہ کیا ہے۔

وزیر اتم کمارریڈی کی زیرصدارت کابینی سب کمیٹی نے آج منعقدہ ایک میٹنگ کے دوران راشن کارڈس کی اجرائی کے معاملہ پر غور و خوص کیا۔

اتم کمار نے کہا کہ اس سلسلہ میں ایک اور میٹنگ میں مختلف باتوں کو قطعیت دی جائے گی۔

ان کے مطابق وہ دیگر ریاستوں میں راشن کی تقسیم کا جائزہ لیں گے اور اس بات کو یقینی بنائیں گے کہ عوام کو فائدہ پہنچ سکے۔

اس میٹنگ میں وزیر سرینواس ریڈی اور سیول سپلائز کے کمشنر چوہان نے بھی شرکت کی۔