راجہ سنگھ کو ایک اور بلٹ پروف کار الاٹ

حیدرآباد: تلنگانہ بی جے پی کے رکن اسمبلی راجہ سنگھ کو ریاستی حکومت نے ایک اوربلٹ پروف گاڑی الاٹ کی ہے۔

اسمبلی میں گوشہ محل حلقہ کی نمائندگی کرنے والے راجہ سنگھ نے قبل ازیں کئی مرتبہ حکومت سے شکایت کی تھی کہ ان کو الاٹ کردہ بلٹ پروف کار بار بار فیل ہورہی ہے۔

اس مسئلہ پر حکومت پر برہمی کا اظہار کرتے ہوئے انہوں نے بلٹ پروف خراب گاڑی کو وزیراعلیٰ کے چندرشیکھرراؤ کے کیمپ آفس پرگتی بھون کے قریب چھوڑدیا تھا اوراس مسئلہ پراحتجاج بھی کیا تھا۔

جس کے بعد ریاستی حکومت نے راجہ سنگھ کو ایک اور بلٹ پروف گاڑی الاٹ کی ہے۔ راجہ سنگھ کے گھرحکومت نے 2017 ماڈل کی فارچیونر کار بھیجی۔

بلٹ پروف گاڑی کے الاٹمنٹ پر ردعمل ظاہر کرتے ہوئے راجہ سنگھ نے کہاکہ پولیس نے انہیں یہ کار حوالے کی ہے۔

انہوں نے کہاکہ وہ فی الحال سری سیلم میں ہیں اور حیدرآباد آنے کے بعد ہی اس نئی گاڑی کی حالت دیکھنا چاہیں گے۔