اے پی: سڑک حادثہ میں نوبیاہتا جوڑا سمیت 5افرادہلاک

حیدرآباد: شادی کے ایک ہفتہ کے بعد تروملا میں درشن سے واپسی کے دوران پیش آئے خطرناک سڑک حادثہ میں حیدرآباد سے تعلق رکھنے والے ایک ہی خاندان کے 5افراد بشمول نوبیاہتا جوڑاہلاک ہوگیا۔

یہ حادثہ آندھراپردیش کے نندیال ضلع کے نلہ گٹلاکے قریب قومی شاہراہ پرکل شب تقریبا 5بجے اُس وقت پیش آیا جب کار چلانے والے نے اس کا توازن کھودیا اور یہ کار ٹہری ہوئی لاری سے ٹکراگئی۔

حادثہ اتنا شدید تھا کہ کار میں سوار 5افرادموقع پر ہی ہلاک ہوگئے اورکار کو شدید نقصان پہنچا۔حادثہ کا مقام دلخراش منظر پیش کررہا تھا۔

پولیس نے بتایا کہ کاویا اور بالاکرن کی شادی ایک ہفتہ پہلے ہوئی تھی۔مہلوکین میں بالاکرن کی ماں لکشمی اور باپ رویندر کے علاوہ چھوٹا بھائی اُدے بھی شامل ہے۔