اے پی :بس اسٹینڈ سے ایک شخص نے آر ٹی سی بس چوری کر لی

حیدرآباد: عام طور پر چور دو طرح کے ہوتے ہیں: کچھ قیمتی اشیا کی چوری کی وارداتیں کرنے والے اور کچھ صرف نام کمانے کے لیے یہ کام کرنے والے۔

حالیہ برسوں میں سوشل میڈیا اور یوٹیوب کے اثر سے ملک بھر میں طرح طرح کی عجیب و غریب چوریاں اور ڈکیتیاں پیش آ رہی ہیں۔

اسی سلسلہ میں آندھرا پردیش میں ایک انوکھا واقعہ پیش آیا۔ اؤنگول بس اسٹینڈ میں ایک شخص نے آر ٹی سی بس ہی چوری کر لی۔

ڈپو کے قریب کھڑی اس بس کو ایک لاری ڈرائیور نے چوری کرلی۔ اس واردات کا پتہ چلتے ہی ڈپو عملے نے پولیس کو اطلاع دی۔ پولیس نے سی سی ٹی وی کیمروں کی مدد سے چند گھنٹوں میں ہی بس کو بائی پاس روڈ پر تلاش کر کے ڈپو واپس پہنچا دیا۔

تحقیقات میں پتہ چلا کہ بس لے جانے والا شخص ذہنی طور پر غیر متوازن لاری ڈرائیور تھا۔