اے پی:خرچ کیلئے 50روپئے دینے سے شوہر کا انکار،بیوی کی خودکشی

حیدرآباد: خرچ کے لئے شوہر کی جانب سے 50روپئے نہ دینے پر بیوی نے خودکشی کرلی۔یہ واقعہ آندھراپردیش کے ضلع چتور میں پیش آیا۔

ضلع کے پوناپلی میں رادھا نامی خاتون اپنے شوہر اننت کمار کے ساتھ رہتی تھی۔اس نے اپنے شوہر سے خرچ کیلئے 50روپئے مانگے تاہم اس کے شوہر نے یہ رقم دینے سے انکار کردیاجس پر مایوسی کے عالم میں خاتون نے نامعلوم شئے کا استعمال کرتے ہوئے خودکشی کرلی۔

رادھا کے باپ کی شکایت پرپولیس نے شوہر کے خلاف مقدمہ درج کرکے جانچ شروع کردی۔اس کی لاش پوسٹ مارٹم کے بعد اس کے رشتہ داروں کے حوالے کردی گئی۔