اے پی:کاکناڈا میں سڑک حادثہ۔4افرادموقع پر ہی ہلاک

حیدرآباد: آندھراپردیش کے کاکناڈاضلع کی کاکناڈا۔پرتی پاڈو ہائی وے پر پیش آئے سڑک حادثہ میں چارافرادہلاک ہوگئے۔

یہ حادثہ ضلع کی پدمالماں مندر کے قریب اُس وقت پیش آیا جب لاری کا ٹائرپنکچر ہوگیا اوراس لاری کو پیچھے سے آرٹی سی کی سوپر لکثری بس نے ٹکر دے دی۔

مہلوکین کی شناخت باپٹلہ ضلع کے نکابکلاپالکو سے تعلق رکھنے والے پرساد، کشور، ناگیا اورراجو کے طورپر کی گئی ہے۔

حادثہ اتنا شدید تھا کہ چارافراد موقع پر ہی ہلاک ہوگئے۔اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔