میگھالیہ یونیورسٹی جانا ’’ مکہ‘‘ جانے کے مترادف، ہمنتا بسوا شرما نے ایک بارپھر زہراُگل دیا
یونیورسٹی کے بڑے مین گیٹ پر تین گنبد ہیں جس کے بارے میں انہوں نے کہا کہ وہاں جانا شرمناک ہے، وہاں جانا 'مکہ' جانے کے مترادف ہے، ہم جو کہہ رہے ہیں وہ یہ ہے کہ وہاں عبادت گاہ بھی ہونی چاہیے۔
![میگھالیہ یونیورسٹی جانا ’’ مکہ‘‘ جانے کے مترادف، ہمنتا بسوا شرما نے ایک بارپھر زہراُگل دیا](https://urdu.munsifdaily.com/wp-content/uploads/2024/08/MEGHALYA-UNIVERSITY-HEMANTH.jpg)
نئی دہلی:آسام کے چیف منسٹر ہمنتا بسوا سرما اکثر اپنے بیانات کی وجہ سے سرخیوں میں رہتے ہیں۔ اس بار پھر انہوں نے ایسا بیان دیا، جس کا چرچا ہونا یقینی تھا۔ آسام کے چیف منسٹر ہمانتا بسوا سرما کا میگھالیہ یونیورسٹی کے گیٹ پر دیا گیا بیان اب سرخیوں میں ہے۔
درحقیقت، آسام کے چیف منسٹر ہمنتا بسوا سرما نے پیر کو کہا کہ یونیورسٹی کی عمارت کا فن تعمیر کسی مسجد کے ڈھانچہ سے ملتا ہے، جبکہ گیٹ میگھالیہ یونیورسٹی آف سائنس اینڈ ٹیکنالوجی کا ہے۔
چیف منسٹر ہمانتا بسوا سرما نے گوہاٹی شہر کے باہر واقع ایک پرائیویٹ یونیورسٹی کے بارے میں سوالات اٹھائے۔ چیف منسٹر نے دعویٰ کیا ہے کہ یہ یونیورسٹی بنگالی نژاد ایک مسلمان شخص کی ہے اور اس نے سیلاب جہاد کا آغاز کیا ہے۔
آسام کے چیف منسٹر ہمانتا بسوا سرما نے اپنی مزید بکواس جاری رکھتے ہوئے دعویٰ کیا کہ یونیورسٹی "تعلیم کو تباہ کر رہی ہے” اور اس کے گنبد والے گیٹ کا فن تعمیر "جہاد” کی علامت ہے۔
یونیورسٹی کے بڑے مین گیٹ پر تین گنبد ہیں جس کے بارے میں انہوں نے کہا کہ وہاں جانا شرمناک ہے، وہاں جانا ‘مکہ’ جانے کے مترادف ہے، ہم جو کہہ رہے ہیں وہ یہ ہے کہ وہاں عبادت گاہ بھی ہونی چاہیے۔
مکہ مدینہ اور تمام گرجا گھر ہونے چاہئیں… لیکن انہوں نے وہاں ایک ‘مکہ’ لگا رکھا ہے، انہیں عبادت گاہ بنانے دیں، انہیں چرچ بنانے دیں، ہم صرف ایک کے نیچے کیوں جائیں؟
لفظ ‘جہاد’ کے استعمال پر صحافیوں کے پوچھے گئے سوال پر آسام کے وزیر اعلیٰ نے کہا کہ میں اسے جہاد کہہ کر نرم رویہ اختیار کر رہا ہوں۔ وہ جہاد کا باپ بھی ہے۔ درحقیقت یہ ہمارے تعلیمی نظام کو تباہ کر رہا ہے۔ "جو بھی ہماری تہذیب، ہماری ثقافت پر حملہ کرتا ہے، اسے جہاد کہتے ہیں۔”
انہوں نے کہا، "میں نے سوچا کہ اگر یہ آڈیٹوریم یہیں رہا تو گوہاٹی کے لوگ آڈیٹوریم کی خاطر ان کے سامنے ہتھیار ڈال دیں گے۔ اس لیے میں نے خاموشی سے کھناپارہ (گوہاٹی) میں ایک بڑا آڈیٹوریم بنانا شروع کر دیا… نومبر یا جنوری تک ہم اس آڈیٹوریم کی تعمیر شروع کر دیں گے۔ یہاں رہیں ہم اپنا 5000 نشستوں والا آڈیٹوریم کھولیں گے تاکہ لوگوں کو یو ایس ٹی ایم میں جانے کی ضرورت نہ پڑے۔
پچھلے ہفتہ آسام کے چیف منسٹر ہمانتا بسوا سرما نے شہر میں آنے والے سیلاب کے لیے میگھالیہ کے ری-بھوئی ضلع میں واقع یو ایس ٹی ایم کے تعمیراتی کام کو ذمہ دار ٹھہرایا تھا۔
انھوں نے کہا تھا کہ کیمپس کے لیے جنگلات کی کٹائی اور پہاڑوں کی کٹائی سیلاب کے لیے ذمہ دار ہے۔ یونیورسٹی کو ایجوکیشن ریسرچ اینڈ ڈویلپمنٹ فاؤنڈیشن سے تعاون حاصل ہے۔ جس کی بنیاد آسام کی وادی بارک کے ضلع کریم گنج سے تعلق رکھنے والے بنگالی نژاد مسلمان محبوب الحق نے رکھی تھی۔ حق یونیورسٹی کے چانسلر بھی ہیں۔