جیسے کوئی احمق شخص مل جائے گا ، سی ای او کا عہدہ چھوڑ دوں گا: ایلون مسک

واشنگٹن: دنیا کے مشہور تاجر ایلون مسک نے چہارشنبہ کو کہا کہ جیسے ہی انہیں ان کی جگہ لینے کے لئے کوئی احمق شخص مل جائے گا، وہ ٹویٹر کے چیف ایگزیکٹو آفیسر (سی ای او) کے عہدے سے استعفیٰ دے دیں گے۔

مسک نے اتوار کو ایک پول پوسٹ کیا جس میں ٹویٹر صارفین سے پوچھا گیا کہ کیا انہیں سوشل میڈیا پلیٹ فارم کے چیف ایگزیکٹو کے عہدے سے سبکدوش ہونا چاہئے۔

ووٹنگ بارہ گھنٹے کی ووٹنگ کے بعد پیر کی صبح بند ہوئی، جس میں 1.75 کروڑ سے زیادہ صارفین نے حصہ لیا۔ تقریباً 57.5 فیصد صارفین نے مسٹر مسک کے استعفے کے حق میں ووٹ دیا جبکہ صرف 42.5 فیصد نے اس کے خلاف ووٹ دیا۔

مسک نے اپنے ٹویٹر پول کا جواب دیا ’’جیسے ہی کسی کو کام لینے کے لئے کافی احمق پاؤں گا، میں سی ای او کے عہدے سے استعفیٰ دے دوں گا! اس کے بعد، میں صرف سافٹ ویئر اور سرور ٹیموں کی قیادت کروں گا۔

اس سے قبل منگل کو، سی این بی سی نے اس معاملے سے واقف ذرائع کا حوالہ دیتے ہوئے بتایا کہ مسٹر مسک سرگرم طور پر ایک نئے ٹویٹر سی ای او کی تلاش میں ہیں۔

مسک نے اکتوبر کے آخر میں ٹویٹر کے 44 بلین ڈالر کے حصول کو حتمی شکل دی۔ یہ امریکی کمپنی 2006 میں سان فرانسسکو، کیلیفورنیا میں صدر دفترکےساتھ قائم کی گئی تھی۔