کوویت سے سونا اسمگل کرنے کے بعد شمس آباد ایرپورٹ سے فرار ہونے کی کوشش۔ مسافرزیرحراست

حیدرآباد: کوویت سے سونا اسمگل کرنے کے بعد ایرپورٹ کے کسٹم حکام سے بچ کر فرار ہونے کی کوشش کرنے والے مسافر کو حیدرآباد کے شمس آباد ایرپورٹ کے پارکنگ علاقہ میں حراست میں لے لیاگیا۔

کسٹم ڈپارٹمنٹ کے ریلیز میں کہاگیا ہے کہ ایک مسافر جس کی شناخت شیخ چاند کے طورپر کی گئی ہے،انڈیگو کی فلائٹ 6E – 1234 کے ذریعہ حیدرآباد پہنچا۔

اس کو کسٹم کے حکام نے جانچ کے لئے روک لیاتاہم وہ فرارہوگیا جس کے بعد اے ایس جی حیدرآبادکو اس بات کی اطلاع دی گئی۔پولیس نے اس مسافر کا پتہ پارکنگ علاقہ میں چلایا۔

پولیس نے یہ پایا کہ اس کے پاس لگیج نہیں ہے۔

یہ لگیج اس نے کار میں رکھا تھا اوروہ دوسرے مقام پر چھپنے کی کوشش کررہا تھا۔

اس کا ڈرائیور پارکنگ علاقہ سے جانے والا تھا۔اس مسافر سے اس کے لگیج کے بارے میں پوچھے جانے پر اس نے کار ڈرائیور محمد عارف کو طلب کیا۔

اس کار کی تلاشی پر اے ایس جی حیدرآباد اور کسٹم کے حکام کو مشترکہ طورپر45 لاکھ روپئے مالیت کے 700 گرام سونے کی موجودگی کا پتہ چلا۔

یہ سونا اس نے بغیر کسی مستند دستاویزات کے منتقل کرنے کی کوشش کی تھی۔اس مسافر کو کسٹم کے حوالے کردیاگیا۔