گھر کی ذمہ داریوں سے بچنے شناخت اور جنس کی تبدیلی، ایک ویڈیو نے اسے بے نقاب کردیا

رام نگر: جنس کی تبدیلی کے امکان سے پہلے زندگی آسان تھی۔ کم از کم لکشمن راؤ کا خاندان تو یہی کہے گا جب انہیں پتا چلا کہ ان کا شوہر اور باپ اب وجئے لکشمی بن چکا ہے۔

اس ضمن میں ایجور پولیس اسٹیشن میں کیس درج کیا گیا۔ بتایا جاتا ہے کہ خاندان کا سربراہ مالی چیلنجوں کے بوجھ سے پریشان تھا جس نے اسے یہ نیا قدم اٹھانے پر مجبور کیا۔

تاہم بعد ازاں وہ ایک ریل (ویڈیو) میں پایا گیا جس میں وہ نیتو نامی ایک اور ٹرانس جینڈر کو تہنیت پیش کررہا ہے جو بگ باس شو کی ایک امیدوار تھی۔

تاہم اسی ویڈیو نے اسے بے نقاب کردیا اور اس کے خاندان نے پولیس کو اس کی اطلاع دی۔

ملزم نے اپنی ماضی کی شناخت سے انکار کردیا مگر پولیس نے اس سے اعتراف کروالیا۔ تاہم اس نے اپنی سابقہ زندگی اور خاندان میں دوبارہ لوٹنے کی کوئی خواہش ظاہر نہیں کی۔