مودی سے قبل راہول گاندھی کا دورہ امریکہ

نئی دہلی: وزیراعظم نریندر مودی کے دورہ امریکہ (22 جون) سے قبل سینئر کانگریس قائد راہول گاندھی جاریہ ماہ کے اواخر میں اُس ملک کا ایک ہفتہ طویل دورہ کریں گے۔

کئی پروگرامس میں ان کی شرکت ہوگی۔ پارٹی ذرائع کے بموجب راہول گاندھی 30 یا 31  مئی کو امریکہ روانہ ہوں گے۔ وہ کیلیفورنیا‘ واشنگٹن اور نیویارک جائیں گے۔ اپنے دورہ میں وہ عوام تک رسائی کے پروگرامس کے علاوہ یونیورسٹی میٹنگس میں شرکت کریں گے۔ 4

 جون کو راہول گاندھی نیویارک کے میڈیسن اسکوائر میں ہندوستانی تارکین وطن سے خطاب کریں گے۔ جاریہ سال کے اوائل میں راہول گاندھی برطانیہ گئے تھے جہاں انہوں نے کئی پروگرامس میں حصہ لیا تھا۔