بھارت بند۔حیدرآباد میں آٹو ڈرائیورس کا احتجاج

حیدرآباد: بھارت بند کے پیش نظر حیدرآباد کے مصروف ترین علاقہ دلسکھ نگر چوراہے پر آٹو ڈرائیوروں نے اپنے آٹوز روک کر احتجاج کیا جس کے باعث ایل بی نگر اور اطراف کے علاقوں میں ٹریفک میں رکاوٹ پیدا ہوگئی۔

مسافروں کی جانب سے شکایات موصول ہونے پر مقامی پولیس نے فوری مداخلت کی اور مظاہرین کو سمجھا بجھا کر ٹریفک بحال کرنے کی کوشش کی۔

پولیس کی جانب سے آٹو ڈرائیوروں کی کونسلنگ کی گئی تاکہ عام شہریوں اور مسافروں کو مزید پریشانی کا سامنا نہ کرنا پڑے۔