شنگھائی تعاون تنظیم کے اجلاس میں شرکت کیلئے بلاول بھٹوہندوستان آئیں گے
سکریٹری خارجہ اسد مجید خان، ترجمان دفتر خارجہ اور وزارت خارجہ کے حکام بھی وزیر خارجہ کے ہمراہ ہوں گے۔ذرائع کے مطابق وزیر خارجہ بلاول بھٹوایس سی اواجلاس کےبعد 5 مئی کو وطن واپس آئیں۔
اسلام آباد: پاکستان کے وزیر خارجہ بلاول بھٹو زرداری شنگھائی تعاون تنظیم کے اجلاس میں شرکت کے لئے کل ہندوستان روانہ ہوں گے۔ تفصیلات کے مطابق وزیر خارجہ بلاول بھٹو زرداری کل شنگھائی تعاون تنظیم اجلاس کے لیے ہندوستان روانہ ہوں گے، ذرائع نے بتایا کہ وہ کل دوپہر خصوصی طیارے پر اسلام آباد سے ہندوستان کے شہر گوا جائیں گے۔
ذرائع کا کہنا ہے کہ سکریٹری خارجہ اسد مجید خان، ترجمان دفتر خارجہ اور وزارت خارجہ کے حکام بھی وزیر خارجہ کے ہمراہ ہوں گے۔ذرائع کے مطابق وزیر خارجہ بلاول بھٹوایس سی اواجلاس کےبعد 5 مئی کو وطن واپس آئیں۔
یاد رہے ترجمان دفتر خارجہ ممتاز زہرا بلوچ نے دورہ ہند کے حوالے سے بتایا تھا کہ بلاول زرداری ہندوستان میں دورے کے دوران سائیڈ لائن ملاقاتیں بھی کریں گے ، ایس سی او اجلاس آئندہ ماہ ہندوستانی شہر گوا میں منعقد ہوگا، ہندوستانی وزیر خارجہ ایس سی او سمٹ کیلئے تمام ممبر ممالک کو دعوت دی تھی۔
ممتاز زہرا بلوچ کا کہنا تھا کہ پاکستان شنگھائی تعاون تنظیم سے دیرینہ وابستگی کے باعث اجلاسوں میں شرکت کرتا ہے، تنظیم کا موسمیاتی تحفظ بارے چوتھا وزارتی اجلاس نئی دہلی میں آن لائن منعقد ہوا۔
