سابق وزیراعلی تلنگانہ کے چندرشیکھرراو کی سالگرہ۔وزیراعلی ریونت ریڈی کی مبارکباد

حیدرآباد: تلنگانہ کے سابق وزیراعلیٰ اور موجودہ اپوزیشن لیڈرکے چندر شیکھر راؤ کی سالگرہ کے موقع پر وزیراعلیٰ اے ریونت ریڈی نے انہیں خصوصی مبارکباد پیش کی ہے۔

وزیراعلیٰ نے سوشل میڈیا پلیٹ فارم ایکس پر اپنے پیغام میں کے چندرشیکھرراو کے لئے نیک خواہشات کا اظہار کیا۔

دفتر وزیراعلی کی جانب سے کئے گئے ٹویٹ میں کہا گیا کہ سابق وزیراعلیٰ اور اپوزیشن لیڈر چندر شیکھر راؤ کو سالگرہ مبارک۔ میں امید کرتاہوں کہ وہ عوامی خدمت میں مصروف رہیں اور ریاست کی ترقی میں اپنا تعاون جاری رکھیں۔ خداانہیں مکمل صحت اور لمبی زندگی عطا فرمائے۔

دوسری جانب چندرشیکھرراوکی سالگرہ کے موقع پر پوری ریاست میں بی آر ایس کے کارکنوں میں جشن کا ماحول ہے۔

حیدرآباد کے تلنگانہ بھون سمیت تمام ضلعی ہیڈ کوارٹرس میں سالگرہ کی تقاریب کو شاندار طریقہ سے منانے کے لیے بڑے پیمانہ پر انتظامات کئے گئے ہیں۔