بی جے پی اگزٹ پول پر بھروسہ نہیں کرتی: بنڈی سنجے

حیدرآباد: بی جے پی کے امیدوار حلقہ کریم نگر بنڈی سنجے نے کہا کہ اسمبلی حلقہ کریم نگر سے ان کی کامیابی یقینی ہے۔

ان کو کامیاب بنانے کے لئے پارٹی کے کارکنوں نے بہت محنت کی ہے۔ میری کامیابی کے لئے وہ حقیقی ہیروز ہیں۔  انہوں نے ایک ماہ تک انتخابی مہم چلانے پر پارٹی کے کارکنوں کا شکریہ ادا کیا۔

بنڈی سنجے نے ذرائع ابلاغ کے نمائندوں کو مخاطب کرتے ہوئے کہا کہ چند اداروں کی جانب سے جو سروے آئے ہیں انتخابی نتائج اس کے برخلاف ہوسکتے ہیں۔

اسمبلی حلقہ دوباک اور گریٹر حیدرآباد کے انتخابات میں بھی ایسا ہی ہوا تھا۔