بریکنگ: ای ڈی نے اروند کیجریوال کو گرفتار کرلیا

نئی دہلی: دہلی کے وزیر اعلی اروند کیجریوال کو جمعرات کی شام انفورسمنٹ ڈائریکٹوریٹ (ای ڈی) کے عہدیداروں نے گرفتار کرلیا۔

دہلی ایکسائز پالیسی کیس میں عام آدمی پارٹی لیڈر کو عبوری تحفظ دینے سے دہلی ہائی کورٹ کے انکار کے فوراً بعد ای ڈی کے عہدیدار تلاشی وارنٹ کے ساتھ کیجریوال کی رہائش گاہ پہنچے تھے۔

کیجریوال پہلے ہی ہائی کورٹ کے حکم کے خلاف سپریم کورٹ کا رخ کر چکے ہیں تاہم عدالت عظمی سے کوئی راحت حاصل ہونے سے قبل ہی انہیں انورسمنٹ ڈائرکٹوریٹ کے اہلکاروں نے گرفتار کرلیا۔

اس سے پہلے ای ڈی کے ذریعہ وزیراعلیٰ کو 9 مرتبہ سمن دیئے گئے تھے لیکن وہ کسی بھی سمن پر جانچ ایجنسی کے سامنے حاضر نہیں ہوئے تھے۔

آخر کار خود ای ڈی کے عہدیدار ان سے پوچھ تاچھ کے لئے ان کی رہائش گاہ پہچنے جہاں طویل پوچھ تاچھ کے بعد ای ڈی نے انہیں گرفتار کرلیا۔